Reikningur ofþenslu og útþenslu á annað hundrað milljarðar

- Heildarkostnaður vegna ónýttra innviða á höfuðborgarsvæðinu við Kárahnjúkavirkjun

Það voru stjórnmálamenn í aðdraganda síðustu sveitarstjórnar kosninga, sjálfstæðismenn í öllum sveitarfélögum, sem löðuðu til sín atkvæði með loforðum um ódýrar lóðir fyrir alla. Nú liggur reikningurinn fyrir – offjárfestingin á höfuðborgarsvæðinu er yfir 100 milljarðar, varlega áætlað. Það er grátlegast við þessa staðreynd er að varað var rækilega við þessu þegar meirihlutinn í Reykjavík fór í gang með plön um þreföldun á lóða úthlutunum í upphafi þessa kjörtímabils. Óábyrg stefna í lóða- og skipulagsmálum byggði á sömu hugmyndafræði og óábyrg útlánastefna bankanna, sem var undirrót fasteignabólunnar. Eftir sitja fjölskyldur og fyrirtæki með sárt ennið – og hálfbyggð hverfi með ónóga þjónustu. Þetta þarf að gera upp líkt og bankahrunið.

Nánar um útreikninga offjárfestingarinnar:

Óseldar, tilbúnar eða lengra komnar íbúðir amk 3.000
Sl. vetur voru óseldar nýbyggingar á höfuðborgarsvæðinu (hefðbundin skilgreining) samtals 2.386 íbúðir. Markaðsvirði þessara “lengra komnu” verkefna var áætlað 73,5 milljarðar (Landsbankinn).  Að auki eru 600 lengra komnar og óseldar íbúðir í bæjum innan klukkustundar aksturs frá Reykjavík (stærra höfuðborgarsvæði – sama heimild).

Grunnar, tómar lóðir og ónýttar veitur
Á höfuðborgarsvæðinu eru auk óseldra, langt kominna íbúða um 4.314 tómar lóðir. Sveitarfélögin hafa í flestum tilfellum þegar fjárfest í grunnkerfum viðkomandi svæða. Í yfirliti Orkuveitu Reykjavíkur um fjárfestingar í veitukerfum í nýbyggingarhverfum kemur fram að hún er alls 3,3 milljarðar hjá fyrirtækinu. Aðeins er um 22% nýting á þessari fjárfestingu þannig að ónýtt fjárfesting OR í nýbyggingarhverfum er um 2,6 milljarðar.

Ónotaðir innviðir sveitarfélaga höfuðborgarsvæðisins allt að 35 milljarðar
Ekkert opinbert mat liggur fyrir um þann kostnað við götur og aðra innviði sem til fellur af hálfu sveitarfélaga. Á grunni ofangreindra talna má ætla að þar sé um að ræða hátt á 6-7 þúsund íbúða eða lóða og tengdrar fjárfestingar í grunnkerfum og innviðum viðkomandi hverfa. Heildarfjárfesting sveitarfélags í íbúðum fyrir 6.000 íbúðir má áætla að sé allt að 35 milljarðar króna, miðað við útreikninga framkvæmdasviðs Reykjavíkurborgar. Tekið skal fram að ætla má að sveitarfélögin hafi fengið hluta þessar fjár sem tekjur í gegnum lóða og gatnagerðargjöld í þeim tilvikum þar sem byggingar eru hafnar og lóðum hefur ekki verið skilað.

Um útreikninga kostnaðar við innviði
Framkvæmdasvið Reykjavíkurborgar gerði árið 2007 áætlun um það hvað 1.200 íbúða hverfi með tengdum innviðum kostar í stofnfjárfestingu (miðað við byggða á flötu landi). Alls er stofnkostnaðurinn áætlaður 7 milljarðar króna. Nánar til tekið: götur og holræsi, 1.475 mkr., gönguleiðir og ræktun 985 mkr. og opin svæði 60 mkr. Grunnskóli 2 mi kr og leikskólar 430 mkr. Önnur gatnamannvirki, s.s. tengibrautir um 360 milljónir, íþrótta-, sundlauga- og menningartengd mannvirki um 1,7 milljarða (hvoru tveggja miðað við 2,3 íbúa í íbúð).

Flokkað undir Pistlar.