Samfylkingin samþykkti í gær kosningastefnuskrá vegna komandi borgarstjórnarkosninga á fjölmennu Reykjavíkurþingi sem haldið var í Breiðholti. Yfirskrift fundarins var Bjartari framtíð fyrir börnin okkar. Börn og málefni barna eru í forgrunni í allri stefnunni en megináhersla er lögð á þrennt: Vinnu, Skóla og Velferð.

Á fundi borgarráðs í dag lagði Samfylkingin fram tillögu um að trúnaði yrði aflétt af skýrslu innri endurskoðunar um innkaupamál borgarinnar. Í greinargerð með henni sem er opinber kemur fram að keypt er inn hjá Reykjavíkurborg fyrir milljarða án útboðs og aðkomu innkaupaskrifstofu Reykjavíkurborgar.
Skrifstofur í ráðhúsinu eru ekki á einu máli um hversu stór hluti [...]

Hanna Birna Kristjánsdóttir oddviti Sjálfstæðisflokksins í borgarstjórn lagði í dag fram tillögu í borgarráði um að 230 milljónir verði settar í að bæta 9 holum við golfvöllinn á Korpúlfsstöðum. Málinu er augljóslega ætlað að afla vinsælda í aðdraganda borgarstjórnarkosninga enda eru all-nokkrir á biðlista eftir að komast í Golfklúbb Reykjavíkur. En hvar er forgangsröðunin? Á [...]

Breytingartillaga Samfylkingarinnar við þriggja ára áætlun gerir ráð fyrir sömu upphæð til framkvæmda og sérstakri áherslu á meiriháttar viðhaldsverkefni á árunum 2011-2013 og á síðustu árum, alls að upphæð 5,3 milljarðar króna á ári í stað þess 70% niðurskurðar sem fyrirhugaður er í fyrirliggjandi frumvarpi. Þetta felur í sér 8,8 milljarða hækkun á fjármunum til framkvæmda og viðhalds á næstu þremur árum. Það voru vonbrigði að meirihlutinn gat ekki tekið undir þessa tillögu.

Yfirlýsingar leiðtoga stjórnarandstöðuflokkanna í kjölfar þjóðaratkvæðagreiðslunnar um Icesave undirstrika að ríkisstjórnin er á krossgötum. Með því að stilla úrslitum kosninganna þannig upp að þau séu vantraust á ríkisstjórnina, frekar en dómur um samning sem beri að víkja vegna þess að betra tilboð liggi á borðinu, er stjórnarandstaðan að reyna að nýta sér atkvæðagreiðsluna í flokkspólitískum tilgangi. [...]